Sal, service og reiseliv

Sal, service og reiseliv

Bilete av ein elev på utplassering i ein dyrebutikk.

Er du serviceinnstilt, liker å hjelpe folk og er open for ulike kulturar og tradisjonar? Då kan Sal, service og reiseliv vere noko for deg. Du går to år i skule før du kan gå ut i lære. Du kan også ta Påbygging til generell studiekompetanse før eller etter læretida.

Kvifor velje sal, service og reiseliv?

Vg1 sal, service og reiseliv er ei trygg og allsidig utdanning som opnar for fleire spanande karrieremoglegheiter. Det gir deg ein smakebit på fire forskjellige yrker der kommunikasjon står i høgsetet. Vg1 sal, service og reiseliv gjer deg moglegheit til å gå viare på vg2 sal og reiseliv, og vg2 service sikkerheit og administrasjon.

Vi tilbyr:

Vg1 sal, service og reiseliv: to klassar med 15 elevar i kvar klasse.
Vg2 sal og reiseliv: to klassar med 15 elevar i kvar klasse.

Søk skuleplass på vigo.no

Bilete av elev på utplassering i ein KIWI butikk

Se større bilde

Se større bilde

Bilete av elevar som har starta ungdomsbedrift.

Se større bilde

Første skuleåret

Vg1 Sal, service og reiseliv

Vg1 sal, service og reiseliv gjer deg eit godt utgangspunkt for å jobbe i fleire yrke der kommunikasjon og kundebehandling er viktig. Du vil få kunnskap og kompetanse som du treng for å lukkast i ein internasjonal bransje som stadg er i endring. Det er viktig at du utviklar evna til å kommunisere med menneske med ulike språk og frå ulike kulturar.

På sal, service og reiseliv tenkjer vi ikkje berre nasjonalt, men også internasjonalt. Difor tilbyd vi kvart år arbeidspraksis i Spania til fleire av elevane våre.

Andre skuleåret

Vg2 Sal og reiseliv

På sal og reiseliv har vi eit tett samarbeid med meir enn 30 lokale og regionale bedrifter, inkludert hotell, reisebyrå og reiselivsbedrifter. Vi har òg eit tett samarbeid med store bedrifter innen daglegvare, klede og elektronikk. Du har gode sjansar til å sikre deg både praksis og læreplass i løpet av kort tid. Gjennom erfaring frå ein eller fleire arbeidsplassar gjennom heile året, sikrar du deg gode moglegheiter til framtidig jobb i bedriftene.

Du vel sjøl kor du ønskjer å få arbeidserfaringa di. I løpet av året vil du jobbe individuelt med oppgåver, gruppearbeid eller i spennande team. Skulen satsar òg på Ungdomsbedrift (UB). Dette er ein arena der du og medelavane dine får utvikle ein idé, undersøkje marknaden og til og med selje produktet med forteneste.

Opptakskrav: vg1 sal, service og reiseliv

Internasjonalisering: YFF i Spania

Os vgs sender elevar til Spania på YFF utplassering i Córdoba, Andalucía. YFF utplassering skjer via Eramus+ midlar og søknad hos VLFK.

I 2025 reiser inntil åtte elevar frå Vg2 Sal og reiseliv til Spania.

Målet ved yrkespraksis i utlandet er at elevar skal få lære meir om faget sitt, i tillegg til at dei får ein interkulturell kompetanse gjennom å oppleve ein annleis arbeidskultur og struktur, og eit anna språk.

Elevar vil i 2025 vere utplassert i tre veker i Córdoba. Lærar frå klassen reiser med elevane til Spania og tilbringer 2-3 dagar med dei i oppstarten for å sikre dei ein god start på praksisopphaldet. Ein annan lærar frå klassen vil reise til Spania for å hente dei og blir med på slutten av praksisopphaldet i 2-3 dagar. Det blir gjennomført ein intern søknadsprosess på skulen, samt eigne informasjonsmøte med elevar og foreldre.

Skulen samarbeider med selskap Europe Connexion i Andalucía. Dei tilbyr praksisopphald for elevane våre innanfor dei fleste utdanningsområda, og skulen håper å kunne utvide tilbodet dei neste åra til å gjelde alle våre utdanningsområda.

Córdoba er ein relativt liten by i sør-Spania med ca 325 000 innbyggjarar. Den ligg ein times togtur frå Málaga i regionen Andalucía og er kjend for si rike historie frå mellomalderen. Córdoba er den einaste byen i verda med heile fire UNESCO verdsarv-stader.