Elevtenesta ved Os vgs består av rettleiingstenesta, rådgjevarar, helsesjukepleiar, og miljøkoordinator. Elevtenesta er til for å støtte og hjelpe deg slik at du får ei god tid som elev ved skulen.
Elevrådet
Vi har 32 klassar i år, og dei 32 tillitsvalde utgjer elevrådet ved skulen. Elevrådet tar seg av oppgåver som har med arbeidsforholda og velferdsinteressene til elevane å gjere. Det skal hjelpe til med å skape gode forhold og trivsel på skulen.
Elevrådet representerer elevane overfor rektor og andre som bestemmer på skulen. Er det noko du ikkje er nøgd med på skulen, kan du ta det opp i elevrådet.